بخصوص الطلبات للمغرب

الحكومة المغربية و الجمارك علنوا أنه ابتداء من 01/07/2022 جميع الطلبات القادمة من الخارج غادي تخضع للرسوم الجمركية يعني كتخلص الديوانة عليها، لذلك نعلمكم أنه جميع الطلبات كيتزاد عليها مبلغ الرسوم الجمركية و هاد المبلغ كنعطيوه ليك عند ارسال الطلب لينا للتأكيد و كيختلف حسب المنتوجات و العدد ديالها فالطلب

الرسوم الجمركية يتم دفعها مسبقا و شركة التوصيل كتقوم بالاستخلاص الجمركي فاش كتوصل الطلبية ديالك للمغرب و كيتم توصيلها ليك حتال عندك دون أية مصاريف اضافية أخرى

لا يمكن بأي شكل من الأشكال طلب الغاء الطلبية أو ارسترجاع مبلغ الطلبية بسبب وصولها عند الجمارك

أداء الرسوم الجمركية أو الضريبة على القيمة المضافة هو الزامي فأوروبا، الأثمنة لي فالموقع لا تشمل على رسوم الجمارك و المبلغ كيتم تحديده حسب المنتوجات لي درتي فالطلب ديالك، يكفي أنك تتواصل معانا و تعطينا الطلب و كنعطيوك المبلغ شامل للرسوم الجمركية لي كيتم أدائها مسبقا مع الطلب و شركة التوصيل هي لي كتكلف بالأداء فاش توصل للأوروبا باش الطلب ديالك يوصلك حتال عندك دون اجراءات اضافية

من الضروري تكون كتعرف واش البلد ديالك كتطلب أداء الرسوم الجمركية على السلع القادمة من خارجة الدول، هاد الأمر كيبقى مسؤولية المشتري و ما يمكنش لينا نعرفو قوانين جميع دول العالم، على سبيل المثال دول : أمريكا / كندا / المملكة المتحدة / أستراليا / اليابان / كوريا الجنوبية / البرازيل / دول الخليج، هادو كنصيفطو ليهم و لحدود كتابة هاد الأسطر لم يسبق أن أعلمنا زبون من هذه الدول أنه خلص شي حاجة ديال الديوانة، لكن لابد من التحقق فحالة ما تكون تغيرات شي حاجة و ما عندناش بيها علم

من الضروري أيضا تتأكد من أن الدولة لي انت فيها ما كتحجزش على مثل هاد المنتوجات النسخ قبل ما تدير الطلب، حنا كنخليو المسؤولية ديالنا فحالة ديوانة شدو الطلبية و رفضو يدوزها أو يرجعوها