MUST KNOW
ما يجب معرفته

الشحن و التوصيل

.جميع الطلبات كيتم ارسالها من الصين و ماشي من المغرب

كيتم ارسال جميع الطلبات عن طريق شركة متخصصة فـ الشحن الدولي و فاش كتوصل  للمغرب كيتاصلو بيك من أجل التسليم، لذلك من الضروري رقم الهاتف لي كتدير فالطلبية يكون خدام

أما بالنسبة لبقية الدول (سواء أوروبا و أمريكا الشمالية) جميع الطلبات كتوصل عن طريق البريد ديال البلد لي انت فيه و طريقة التوصيل و الاشعار كتختلف حسب البلد

فحالة وضع عنوان خاطئ أو غير كامل أو رقم هاتف خاطئ الطلبية ما غاديش توصلك و كاين احتمال كبير أنه يتم ارجعها منين جات

فحالة رجوع الطلبية بسبب معلومات خاطئة لي عطانا الزبون أو بسبب عدم توفوره و عدم الرد على اتصالات الشركة للتوصيل، يجب انتظار عودة الطلبية للصين و لارسالها من جديد كتخلص مصاريف الارسال، لأنه الارسال مجاني فقط المرة الأولى

بالنسبة للدول الأخرى لي فيها التوصيل مع البريد، فحالة لفاكتور ماجابش ليك الطلبية أو ما جابش ليك الاشعار، المسؤولية ديالك أنك تشوف مباشرة مع البريد فاش توصل لكوموند باش تستفسر و تاخذها من عندهم، حيت حنا غير مسؤولين عن خدمات البريد أو التقصير من لفاكتور أو واحد من الموظفين ديالهم

فهاد الحالات المذكورة أعلاه ديال رجوع الطلبيات من المغرب، أوروبا و جميع دول العالم فنحن لا نتحمل مسؤولية الرجوع ديالها أو عدم وصولها، الا وصلات غادي يتم ارسالها من جديد مع دفع الزبون لثمن الارسال

مدة وصول الطلبيات التقريبي للمغرب هو 18-32 يوم (تقريبي يعني ممكن ياخذ أقل كيفما ممكن ياخذ أكثر ببضعة أيام)

بالنسبة لأوروبا المدة بين 22-35 يوم و بالنسبة لأمريكا الشمالية 20-32 يوم

المدة هي تقريبية و حنا ما كنتحكموش فخدمات البريد و شركات التوصيل فحالة وقوع شي ظروف قاهرة

طرق الأداء

الدفع كيتم مسبقا باش تدير الطلبية، خدمة الدفع عند الاستيلام ما كايناش فالارسال الدولي

:طرق الدفع الأساسية من المغرب و هي

VIREMENT

عن طريق تحويل بنكي يعني كتدير تحويل من حسابك البنكي لواحد من الحسابات البنكية لي كنصيفطو ليك عند تأكيد الطلبية

VERSEMENT

عن طريق ايداع بنكي يعني كتمشي لوحدة من الوكالات البنكية ديال الحسابات لي غادي كنصيفطو ليك عند تأكيد الطلبية و كتعطيهم رقم الحساب + المبلغ + البطاقة الوطنية ديالك و غادي يتم ايداع لفلوس فالحساب البنكي و يعطيوك توصيل الدفع

 

:طرق الدفع من أوروبا هي

VIREMENT

عن طريق تحويل بنكي يعني كتدير تحويل من حسابك البنكي لحساب بنكي كنصيفطوه ليك عند تأكيد الطلبية

الارجاع و التغيير

بما أن الأمر يتعلق بارسال دولي فمايمكنش الارجاع ولا التغيير، لذلك خاصك تأكد كليا من الحجم (طاي) قبل الطلب و حنا كنوفرو ليك كلشي المعلومات و القياسات باش تعرف

ارجاع الطلبية و التغيير ممكن في حالة واحدة فقط و هي الا الخطأ من عندنا فالطلبية، و لا يمكن ارجاع الطلبية و لا استرجاع المبلغ لأي سبب آخر كان

الجمارك (الديوانة)

بخصوص الطلبات للمغرب

الحكومة المغربية و الجمارك علنوا أنه ابتداء من 01/07/2022 جميع الطلبات القادمة من الخارج غادي تخضع للرسوم الجمركية يعني كتخلص الديوانة عليها، لذلك نعلمكم أنه جميع الطلبات كيتزاد عليها مبلغ الرسوم الجمركية و هاد المبلغ كنعطيوه ليك عند ارسال الطلب لينا للتأكيد و كيختلف حسب المنتوجات و العدد ديالها فالطلب

الرسوم الجمركية يتم دفعها مسبقا و شركة التوصيل كتقوم بالاستخلاص الجمركي فاش كتوصل الطلبية ديالك للمغرب و كيتم توصيلها ليك حتال عندك دون أية مصاريف اضافية أخرى

لا يمكن بأي شكل من الأشكال طلب الغاء الطلبية أو ارسترجاع مبلغ الطلبية بسبب وصولها عند الجمارك

بخصوص الطلبات لأوروبا

أداء الرسوم الجمركية أو الضريبة على القيمة المضافة هو الزامي فأوروبا، المبلغ لي خاص تخلص عليها كتحددو ليك الديوانة ديال البلد لي انت فيه فاش كتوصل الطلبية و كيتم التواصل معاك فالبريد عن طريق رسالة نصية / اتصال / اشعار (طريقة التواصل كتختلف حسب البريد ديال بلادك) باش يعلموك تخلص المبلغ عن طريق الموقع أو عند الاستيلام فمكتب البريد أو فالتوصيل لعنوانك

بخصوص الطلبات لدول أخرى

من الضروري تكون كتعرف واش البلد ديالك كتطلب أداء الرسوم الجمركية على السلع القادمة من خارجة الدول، هاد الأمر كيبقى مسؤولية المشتري و ما يمكنش لينا نعرفو قوانين جميع دول العالم، على سبيل المثال دول : أمريكا / كندا / المملكة المتحدة / أستراليا / اليابان / كوريا الجنوبية / البرازيل / دول الخليج، هادو كنصيفطو ليهم و لحدود كتابة هاد الأسطر لم يسبق أن أعلمنا زبون من هذه الدول أنه خلص شي حاجة ديال الديوانة، لكن لابد من التحقق فحالة ما تكون تغيرات شي حاجة و ما عندناش بيها علم

 

من الضروري أيضا تتأكد من أن الدولة لي انت فيها ما كتحجزش على مثل هاد المنتوجات النسخ قبل ما تدير الطلب، حنا كنخليو المسؤولية ديالنا فحالة ديوانة شدو الطلبية و رفضو يدوزها أو يرجعوها